1. 一头：一边，常用以表示两个动词同时进行。

伢勒路浪一头走，一头讲好哩。

2. 亠径：迳直，不拐弯。

要到东湖边浪去,从格条路过去一径走就看得到哩。

3. 一埭：一次。亦作“一趟”。

伊格歇勿空，就吾去跑一埭好哩。

4. 一庹：两臂向左右伸开的长度。

5. 一淘：一起、一同；一伙、一群；同一处。亦作”—排头”。

①今朝落班大家一淘走，上饭店去吃饭。

②格点人侪是一排头格，侪是平湖人。

③吾搭伊是住勒一淘格。

6. 一廓：手的大拇指到小指张开的长度。

《华严经音义》卷四引《通俗文》：“廓，宽也。”

吾格手一廓大约二十公分。

7. 一碰：动辄。

伊拉俩介头是冤家对头，一碰就要吵。

8.一歇：一会儿。

一介头静来，侬过来陪吾一歇。

9.一撩：一阵。

今朝风勿大，一撩一撩蛮适意。

10.一潽：一遍。

①刚刚倒过一潽茶。

②格点衣裳勿大清爽，还要汏一潽。

11.一日子：有一天，那天。亦作“一日仔”。

一日仔伊来寻吾，正巧吾勿勒屋里。

12.一介头：一个人。

13.一出戏：指一部戏或一段戏，亦指做假戏给人家看。

今朝等伊来哩，伢俩介头就做一出戏拔伊看，让伊响勿落。

14. 一只鼎：顶尖、数一数二的；顽皮出顶。亦作“一只顶”。

①伊格技术在格档行业里是一只鼎。

②格档小鬼玩起来是一只鼎，样式啥会玩。

15. 一市头：集市的高潮阶段，意为一阵头。

小镇浪只有一市头生意，过脱市头就人阿呒没哩。