坦乎乎

慢慢来。亦作“坦眼好哩”、“泰”、“泰毋毋”、“泰法泰法”。

辰光还早勒哩，路浪向坦乎乎走好哩。

兴

茂盛；多；兴隆；大。

①今年年成好来，油菜花开得兴来海万。

②西瓜灯节放焰火格辰光，人是兴到格来，路阿勿好走。

③春节格几日，超市里格生意真兴。

④雨落得兴来，依等格场大雨落过仔再走好哩。

呒啥话头

无奈、失望；无可挑剔。亦作“呒话头”、“呒啥讲头”。

①格档小人真是呒啥话头，做啥啥勿像，伊勿争气吾有啥办法。

②好格木匠师傅做出来格生活，一看就看得落，毕平、光洁、严丝合缝，真叫是呒啥话头。

显宝

炫耀自己的物品。

今朝伊有一样好物事，又要拿出来显宝哩。

花色

气色；花样。亦作“花色好来”。

①侬最近看起来花色好来么。

②现在饭店里的菜是花色多来。

男客

丈夫。亦作“男人”。

伊拉格男客待伊是好到格来。

迸牢

喻撑住；气闷憋住。亦作“进结”、“屏牢”。

①俩介头扛重物事一定要迸牢，一口气勿好松。

②最近伊是气闷来，一直想勿通，迸牢仔要迸出毛病来哩。