勿上勿落

夹在中间。

伊格成绩勒班级里是勿上勿落，只好算是中等。

有得

够了；表示会多次发生；与其；能满足某种欲望。新埭人则读作“有踏里”。

①准备了介许多菜，过年就有得哩。

②侬去理睬伊么就苦哩，伊有得同侬搅了。

③身体顶要紧，有得拿铜钿买药吃，还勿如买点好小菜吃吃。

④老百姓只要有得吃、有得着、有房住，勿欠债，就满足哩。

吃饭家生

趣指脑袋；谋生的工具。

①伊是一时冲动去杀脱个人，格趟伊个吃饭家生要保勿牢哩。

②木匠师傅格工具勿好去碰，侪是吃饭家生，碰坏脱就勿好用哩。

闹煞哩

太吵闹啦。亦作“闹倒格来”、“闹尽闹尽”。

介许多人哇拉哇拉，直起喉咙喊得介响，要闹煞哩，轻一眼好哦！

歇歇

休息；一会儿。

①伊是花头真多，歇歇要吃茶，歇歇要吃饮料。

②做哩介长辰光生活，好歇歇吃口茶哩。

天晓得

表示难以理解或难以分辨。

蛮好格事体到伊手里就做勿好，真是天晓得。