勿入味

指菜肴烧得时间还不够，尚未有它的特色味道。

红烧肉烧来勿入味，还要多烧一歇。

斗气

怄气、赌气。

为仔一眼眼小事体，伊就搭吾斗气。

叫名

虚岁数。区别于实足年龄。

伊今年叫名十六岁，实足十五岁。

扣卡扣

刚好，没有一点余地。亦作“扣扣较”。

今朝格眼生活一直做到落班，扣卡扣做得好。

劲道

力气；情趣。

①挑格一担稻谷倒要用点劲道格。

②格档地方白相起来蛮有劲道。

经心

认真，用心。

吾托伊办格事体伊是一直经心格，一有当势就帮吾去办。

幽幽较

声音小点。

公共场所讲闲话要幽幽较，勿好哗啦哗啦。

食痨

馋。

侬格档人哪哈介食痨，样式齐要吃。