苦出

指要倒霉受苦了。亦作“苦出一家门”“苦出一大滩”。

伊拉爷格公司欠了上千万格债就要破产哩，奈末一家人家要苦出哩。

拗竹扛

敲竹杠。

拎拎清爽

喻脑子要清楚。

讲闲话讲得讲勿得，脑子要拎拎清爽，乱讲一通要闯祸格。

拍牢就上

立刻就做。

今朝格事体定落来，大家拍牢就上，早点做好。

玩白相

玩耍；开玩笑。

①坐勒浪清刹刹，呒没事体就勒电脑浪玩白相。

②今朝伊讲勒格闲话是玩白相，勿好当真，讲过就算哩。

完出

平湖人谓完蛋为完出。亦作“完结”。

奈么完出哩，介许多刚买来格鸡蛋勿当心侪敲碎脱哩。

扳节头

指点着手指算。

格点人侪勒扳节头算日脚，还有几化辰光好放年假哩。

板扎

牢固；做工精细。

格档木匠师傅做出来格生活真板扎，样子好来。