弄弄清楚

搞清楚。

格桩事体是啥人做勒格，一定要弄弄清楚。

朋友道里

朋友之间。亦作“朋友多个好个”。

朋友道里一直是有来有去，侪家要互相帮忙，互相照顾。

相帮

帮助。

介多事体一个人做来勿及格，再叫几个人来相帮。

挖空心思

形容动足脑筋，

伊为了想得到格只项目，真是挖空心思、用足手段。

荐地方

占地。亦作“荐乌堂”。

《集韵》：“荐，聚也。”

格点物事又旧又破，摆勒浪荐地方。

胡海海

非常。

伊勒是钞票多来胡海海，用勿光格。

宕空

空闲；悬空。

①吾是下岗了，一直宕空勒嗨，格几个月就是勒寻工作。

②侬格只灯要宕空仔挂，勿好碰牢墙壁。

灵清

头脑清醒、精明。

能管好介大一爿店，格档人肯定蛮灵清格。