烧咸酸。

烧菜。

辰光勿早哩，要回去烧咸酸哩。

做人家

节约；节俭。

①赚眼钞票勿容易格，要做人家点用。

②平湖有句俗语：“做人家逐时来，撒屎撒污屋里来。”形容十分节俭。

上照

喻人拍照比较入镜。

伊拍出照来是蛮上照,其实生来阿一般。

上回子

过去、从前。亦作“早先”

上回子伢格里是贫困村,日脚侪过来苦来。

上本扎经

一本正经。亦作“上本正经”“像本正经”。

格句闲话伊是呒心讲格，用勿着上本扎经去搭伊吵。

毛索索

不光滑、粗糙的感觉。亦作“毛里塌索”“毛刺另钉”。

格件羊毛衫质量不好，着勒身浪有点毛索索。

长生果

带壳的花生。

心焦来

急躁、烦。亦作“心发焦”。

讲好马上来格，到格歇还勿来，等得吾真心焦来。

尺挎一记

打了一下。

伊落手真快，伸出手就尺挎一记打过来。